ХХРда ўзбек-хитой сиёсий маслаҳатлашувлари бўлиб ўтади

Тошкент. 11 июн. ЎзТАГ – 14 июнда Жичжао (ХХР) шаҳрида Ўзбекистон ва Хитой ташқи ишлар вазирликлари делегациялари иштирокида ўзбек-хитой сиёсий маслаҳатлашувларининг навбатдаги раунди бўлиб ўтади. Унда ТИВ раҳбарлари ўринбосарлари қатнашадилар, деб хабар беради Ўзбек телеграф агентлиги (ЎзТАГ).

Олдин хабар берганимиз каби, июнда ҳамкорлик бўйича ўзбек-хитой ҳукуматлараро қўмитасининг учинчи йиғилиши ўтказилиши кутилмоқда. Уни ташкил этиш масалалари 13 майда Ўзбекистон ТИАИСВ Хитой элчиси Сунь Лицзе билан бўлиб ўтган учрашувда муҳокама қилинган эди.

Бундан олдинроқ 7-8 апрелда Пекинда савдо-иқтисодий ҳамкорлик бўйича қўмитанинг тўртинчи йиғилиши бўлиб ўтган эди.

Эслатиб ўтамизки, 2014 йилда Ўзбекистон Республикаси президенти Ислом Каримов ХХР Раиси Си Цзиньпиннинг таклифига кўра Хитойга ташриф буюриб, Осиёда ўзаро ҳамкорлик ва ишонч чоралари мажлисининг тўртинчи саммитида қатнашган эди. Унинг доирасида ХХР ва Ўзбекистон ўртасида стратегик ҳамкорлик муносабатларини ривожлантириш дастури тасдиқланиб, қиймати $6 млрдлик келишувлар имзоланган эди.