Кирғиз депутатларига газ бўйича вазиятни ҳал қилишга шошилмаётганликлари учун тезак солинган қопларни топширишга уринишди

Тошкент. 9 июн. ЎзТАГ – Бир гуруҳ ёшлар Бишкекдаги Юқори кенгаш биноси ёнида қирғиз депутатларига газ бўйича вазиятни ҳал қилишга шошилмаётганликлари учун тезак солинган қопларни топширишга уринган пайтларида ушланди, дея хабар беради Қирғиз телеграф агентлиги (КирТАГ).
“Икки ойдирки Ўшда газ йўқ. Биз иссиқ овқат қила олмаяпмиз. Қариялар ва болаларга эса тўлақонли озиқланиш керак, касалхона болалар боғчаларичи? Бизни ушбу ҳолга олиб келган амалдорларни шу тарзда “қутламоқчимиз”. 1$га (“Қирғизгаз”ни - ҚирТАГ) сотишган пайтида бир кун ҳам газсиз қолмаймиз, дейишган эди, биз эса икки ойдан бери газсиз ўтирибмиз. Норозилигимизни билдирмоқчи бўлганда эса милиция бизни ушлаб олиб кетмоқда”, дейишди душанба куни “Улуттар биримдиги” Қирғиз Халқ-демократик партиясининг ёшлар қаноти вакиллари.
Ёшлар қирғиз депутатлари ва амалдорларга газ бўйича вазиятни ҳал қилишга шошилмаётганликлари учун тезак солинган қопларни топширишга қарор қилишди. Бишкекнинг Биринчи май тумани ИИБ бошлиғи ўринбосарининг сўзларига кўра, барча ушланганлар милицияга шахси аниқланиши учун олиб кетилади.