Колумбия ва Польша ютқазди, Россия эса ҳақиқий мўъжиза яратди

Тошкент. 20 июн. ЎзТАГ – Тўлқин Ташимов. Колумбия ва Польша ўз ўйинларини ютқазди, Россия эса ҳақиқий мўъжиза яратди.  

Кеча кечаси ЖЧ-2018 доирасида H гуруҳида икки ўйин бўлиб ўтди.

Колумбия - Япония учрашувининг учинчи дақиқасидаёқ Санчес майдондан чиқариб юборилди. Японлар кескин ҳужум уюштириб, дарвозабонни алдаб ўтдилар, ва Санчес жамоани голдан қутқариш учун мажбурий равишда қўл билан ўйнади. Ушбу дақиқа бутун ўйиннинг боришини издан чиқарди. Синдзи Кагава 11 метрдан адашмади. 0:1.

Қандайдир вақт давомида Колумбия умидини узгани йўқ. Куадрадо ўнг қанотда яхши ўйнади, кўпинча якка ўзи ўйнашга ҳаракат қилди, натижада бу унинг ўрнига бошқа одам туширилишига сабаб бўлди. Радамель Фалькао икки кишининг ўрнига ўйнашига тўғри келди, аммо унинг ҳаракатлари етарли бўлмади. Суперюлдуз Хамес Родригес ҳам майдонга тушди, лекин у ҳали зарур жисмоний ҳолатга келгани йўқ ва шу сабабли жамоани қутқариб қололмади.

Кинтеро ҳисобни тенглаштирганда қандайдир умид пайдо бўлди, лекин бу узоққа чўзилмади. Осака яна Японияни олдинга олиб чиқди. 1:2.

Колумбияликларнинг барча саъй-ҳаракатларига қарамай, японияликлар ғалаба қозонишди. Аввал Германия билан бўлгани каби, аутсайдерлар очиқ-ойдин фаворит устидан ғлаба қозонди.

Кейин Москвадаги майдонга Польша ва Сенегал терма жамоалари тушдилар. Кўпчилик, шубҳасиз, Левандовский ва Конинг аниқ устунлигини кутган эди. Лекин бундай бўлмади. Сенегалликлар қизиқарлироқ, қудратлироқ, тезкорроқ ҳаракат қилдилар. Шундай қилиб, Ционеканинг 37-дақиқадаги голи кутилмаган ҳол бўлмади. 0:1.

Польша терма жамоаси мураббийсининг асосий хатоси бирданига икки ҳужумчи – Левандовский ва Миликларни хужум чизиғига қўйиши бўлди, деб тахмин қилиш мумкин. Эҳтимол, бу ҳужумчиларни тўп билан таъминлаши керак бўлган ўрта чизиқни заифлашгандир.

60-дақиқада Польша футболчиси хатога йўл қўйиб, Нянга Счастнидан чаққонлик билан бўш қолган дарвозага гол урганидан сўнг ўйиннинг тақдири олдиндан ҳал қилинди. 0:2.

86-дақиқада Криховяк тўп киритиб, фарқни бир оз қисқартирганда польшаликлар бир оз енгил тортдилар. 1:2. Аммо ўйиннинг бориши умид туғилишига йўл қўймади. Сенегаллик Саудия Арабистони, Панама ва Жанубий Корея билан таққослаганда, иккинчи таймнинг иккинчи ярмида ҳам сустлашмасдан, ўйиннинг охиригача юқори динамикани сақлаб қолдилар.

Сенегал, менинг фикримга кўра, Исландия жамоасининг анча яхшиланган версиясидир.

H гуруҳида Сенегал Польша устидан ғалаба қозонганидан сўнг кураш кескин кучаяди. Колумбия ва Польша қолган гуруҳ баҳсининг бошланишидаги икки ўйиндаги воқеалар тасодифан содир бўлганлигини исботлашлари керак бўлади.

А гуруҳининг иккинчи учрашувида Россия Мисрни енгиб, ҳақиқий мўъжиза кўрсатди. Ҳа, биринчи гол тасодифий урилди, чунки мисрликлар ҳимоячиси тўпни ўз дарвозасига йўллаб қўйди. Аммо шундан кейин руслар яна иккита гол уришди. 3:0.

Мисрликлар Мо Салоҳнинг фаоллиги туфайли пенальти ишлаб олдилар ва уни хотиржам равишда амалга оширдилар. 3:1.

Аммо Салоҳ ва Ко бундан кўпига эришолмади. Икки ўйиндан кейин Миср ноль очко билан плей-оффга чиқиш учун курашни тарк этди. Россия эса гуруҳдан чиқиш вазифасини муддатидан олдин бажариб бўлди.

Эслатиб ўтамизки, ЖЧ-2018 – ФИФАнинг футбол бўйича 21-жаҳон чемпионати бўлиб, унинг финал қисми Россияда 2018 йил 14 июндан 15 июлгача бўлиб ўтади. Россия ўз тарихида биринчи бор турнирга мезбонлик қилмоқда. Чемпионат Россиянинг 11 шаҳридаги 12 стадионларда ўтказилмоқда. Бундан ташқари, чемпионатда илк марта ҳакамларга видеоёрдам тизимидан фойдаланилмоқда.

Сурат манбаи: https://sport.tsargrad.tv/articles/sbornaja-rossii-poka-unylo_135957