Контрабандачи Ўзбекистондан Қирғизистонга бир тоннадан ошиқ озиқ-овқат маҳсулотларини олиб чиқиб кетишга уринди
Дата: 11:31, 18-12-2014.
Тошкент. 18 декабр. ЎзТАГ – 2014 йилнинг 15 декабри соат 22.00 ўзбек чегара наряди томонидан Фарғона вилоятининг Сўх туманида контрабандачи қўлга олинди, дея хабар беради Ўзбек телеграф агентлиги (ЎзТАГ).
“У “Хундай-Портер” автомашинасида Қирғизистонга 1171 кг қишлоқ хўжалик маҳсулотларини (924 кг туршак ва 247 кгмағиз) олиб чиқиб кетишга уринди. Чегарабузар Қирғизистоннинг Боткент вилояти Таян қишлоғида яшовчи Баоб Мамотовбўлиб чиқди”, – деб таъкидланади Ўзбекистон Миллий хавфсизлик хизмати Давлат чегарасини қўриқлаш Қўмитаси матбуот хизмати хабарида.
Чегарабузар, автотранспорт воситаси ва юк Ўзбекистон божхона органларига республика қонунчилиги доирасида тегишли чоралар кўриш учун топширилди.
