Корея банки “Ўзсаноатқурилишбанк”ка ажратган кредит линиясини $10 млндан $30 млнгача оширди

Тошкент. 23 ноябр. ЎзТАГ – “Ўзсаноатқурилишбанк” АТБ ва Корея Эксимбанки ўртасида Бош банклараро келишувга ажратилган кредит линиясини $10 млндан $30 млнгача оширишни кўзда тутувчи қўшимчалар имзоланди, деб хабар беради Ўзбек телеграф агентлиги (ЎзТАГ).

“Ўзсаноатқурилишбанк” АТБдан маълум қилишларича, ҳужжат Ўзбекистон Республикаси Президенти Ш.М.Мирзиёевнинг Корея Республикасига расмий ташрифи доирасида имзоланди.

Янги қадам тадбиркорлик субъектларига кўмаклашишга қаратилган бўлиб, Корея Республикасидан замонавий технология ва инновацион ечимларни жалб қилишга кўмаклашади.

Кредит матблағлари корейс банкининг ўзбек тадбиркорларининг узоқ муддатли (лойиҳа қийматининг 85%гача 7 йилгача) ва қисқа муддатли (лойиҳа қийматининг 100%гача 2 йилгача) кредитлар учун аризаларини кўриб чиқиш якунлари бўйича тақдим этилади.