Корея Ўзбекистондан қовун ва мевалар олиб келишни таъқиқлади
Дата: 10:32, 03-07-2014.
Тошкент. 3 июл. ЎзТАГ – “Ўзбекистон ҳаво йўллари” Миллий авиакомпанияси ўз сайтида Корея Республикасига учиб кетаётган йўловчилар учун янги маълумотларни эълон қилди. Унда Сеулга қовун ва мевалар олиб кириш таъқиқланганлиги ҳақида огоҳлантирилади, дея хабар беради Ўзбек телеграф агентлиги (ЎзТАГ).
Мамлакат ҳудудига қовун ва меваларни олиб киришга қатъий таъқиқ 27 июндан бошлаб Корея Республикаси карантин хизмати талабларига мувофиқ жорий этилган.
Миллий авиакомпания Корея Республикасига учиб кетаётган пассажирлардан ушбу мамлакат карантин хизмати талабларига риоя қилишни сўради.
