Корейс агентлиги ўзбек паралимпиячиларига кўмаклашди

Тошкент. 21 июл. ЎзТАГ – Корейс Халқаро ҳамкорлик агентлиги (KOICA) Ўзбекистон Махсус Олимпиа термасининг Лос-Анджелесда (АҚШ) бугун бошланадиган Бутунжаҳон махсус олимпиа ўйинларидаги иштирокини кўллаб-қувватлади, деб хабар беради Ўзбек телеграф агентлиги (ЎзТАГ).

KOICA ваколатхонасидан хабар беришларича, агентлик раҳбари Енг-Мок Кимнинг ташаббуси билан ташкилот ўзбек спортчиларининг машқ лагеридаги тайёргарлиги ва иштирокчилар учун авиачипталарнинг бир қисми харажатларини қоплашга қарор қилган.

Ушбу иш терма жамоанинг барча аъзоларига 24 июндан 8 июлга қадар Тошкент вилоятидаги Дукент (Янгиобад-2) шаҳридаги спорт базаси ҳудудида мусобақаларга тайёргарлик кўришга имкон берди.

Ўзбекистон термасига 20 паралимпиячи кирган бўлиб, улар спортнинг енгил атлетика, сув спорти, бадиий ва спорт гимнастикаси, стол тенниси ва бадминтон каби турларидаги мусобақаларда қатнашадилар.

Эслатиб ўтамизки, Лос-Анджелесда (АҚШ) Бутунжаҳон махсус олимпиа ўйинлари 2 августга қадар бўлиб ўтади.