Корейс консорциуми Тахиатош ИЭС модернизация қилиш бўйича тендерни ютиб олди
Тошкент. 16 декабр. ЎзТАГ – Жанубий Кореянинг Hyundai Engineering ва Hyundai Engineering & Construction компаниялари консорциуми Тахиатош иссиқлик электростанциясини модернизация қилиш бўйича тендерда ғолиб бўлди, деб хабар беради Ўзбек телеграф агентлиги (ЎзТАГ) “Ўзбекэнерго” АЖ асосланган ҳолда.
Консорциум “Тахиатош ТЭСда қуввати 230-280 МВт бўлган иккита буғ-газ ускунаси (БГУ) қурилиши” лойиҳаси бўйича халқаро танловда $457 млн таклиф этган ҳолда ғолиб чиқди. 2015 йил декабрида эълон қилинган танловда Хитой, Жанубий Корея ва Туркиядан 10 талабгор иштирок этди.
Ғолиб эскирган блокларни модернизация қилиб, 250-280 МВтлик икки ГБҚ ишга тушириб беради. Лойиҳа муддати 2,5 йилни ташкил этади. Шартномани декабр сўнгига қадар имзолаш режалаштирилган.
Умумий қиймати $678,2 млн бўлган лойиҳа Осиё тараққиёт банкининг $300 млнлик кредити, Ўзбекистон Тикланиш ва тараққиёт жамғармасининг $230,7 млнлик маблағи ва “Ўзбекэнерго”нинг ўз маблағлари эвазига амалга оширилади.
Маълумот ўрнида, Тахиатош ГИЭСнинг ўрнатилган қуввати 730 МВт бўлиб, биринчи энергоблок 1956, охиргиси (бешинчиси) 1967 йилда ўрнатилган. Электростанция республиканинг шимоли-ғарбий қисмлари – Қорақалпоғистон Республикаси ва Хоразм вилоятини электр энергияси билан таъминлайди.
Августда Hyundai Engineering & Construction и Daewoo International Consortium жанубий корейс ширкатлари консорциуми Қашқадарё вилоятининг Талимаржон ИЭС қуввати 450 МВтлик янги ГБҚ ишга туширган эди. Бу шартнома қиймати $860 млн.
