Корейс кредит-молия ташкилотлари “Асака” ўзбек банкига $695 млн ажратади

Тошкент. 9 июн. ЎзТАГ – “Асака” ўзбек банки вакиллари жанубий корейс кредит-молия ташкилотлари билан умумий қиймати $695 млнлик шартномалар имзолади, деб хабар беради Ўзбек телеграф агентлиги (ЎзТАГ).

“Имзоланган шартномалар доирасида The Export-Import Bank of Korea “Асака” банкига $525 млн, Korea Exchange Bank – $100 млн, SMBC ва Seoul Branch – $70 млнга қадар маблағ ажратади. Ушбу молия маблағлари корейс компаниялари иштирокидаги инвестиция лойиҳаларини молиялаштириш, шунингдек, икки мамлакат компаниялари ўртасида товар ва хизматлар етказиб бериш операцияларини молиялаштиришга йўналтирилади”, – деб таъкидлашди ўзбек банки матбуот хизматида.