Корейс офтальмологлари Фарғонада операциялар ўтказадилар
Фарғона. 30 октябр. ЎзТАГ – Корейс офтальмологлари Фарғонада операциялар ўтказадилар, деб хабар беради Ўзбек телеграф агентлиги (ЎзТАГ).
“Соғлом авлод учун”жамғармаси сайтидаги маълумотга кўра, 2015 йилнинг 1-6 ноябр кунлари “Vision Care Servise” халқаро ташкилоти (Корея Республикаси) шифокорлари делегацияси Ўзбекистонда меҳмон бўлади.
Корейс шифокорлари Фарғона вилояти офталмология шифохонасида 800 ошиқ беморларни кўрикдан ўтказиб, 100 бемор учун катарактани бартараф қилиш ва кўз гавҳарини алмаштириш борасида жарроҳлик амалиётларини ўтказадилар.
Бундан ташқари, Ўзбекистон врач-офтальмологлари учун маҳорат дарси ўтказадилар.
Маълумот ўрнида, бу биргаликдаги илк ҳайрия акцияси эмас. 2014 йил 14-16 апрел кунлари Фарғонадаги ҳайрия акцияси давомида жами 250 нафар аҳоли офтальмологик тиббий кўрикдан ўтказилган, уларнинг кўпига катарактани бартараф қилиш ва кўз гавҳарини алмаштириш борасидаги беморларга дори-дармонлар, кўзойнаклар тарқатилган, 84 нафар оғир деб топилган катарактани бартараф қилиш ва кўз гавҳарини алмаштириш борасидаги беморлар жарроҳлик амалиёти орқали соғломлаштирилган эди. Кейинроқ, Бухоро вилояти кўп тармоқли тиббиёт марказида жами 707 нафар кўз соҳасида касаллиги бўлган беморлар офтальмологик тиббий кўрикдан ўтказилиб, 95 нафар беморларда катарактани бартараф қилиш ва кўз гавҳарини алмаштириш жарроҳлик амалиётлари ўтказган эдилар.
Инсонпарварлик акцияларини амалга ошириш мақсадида жамғарма Корея Республикасининг Ин Ха, Ча Университетлари госпиталлари, Енсей Университети қошидаги “Severance” госпитали ва бошқалар билан ҳамкорликни амалга ошириб келмоқда.
