Козоғистон компанияси Ўзбекистонга илк марта тунги кўриш қурилмалари етказиб берди

Тошкент. 6 феврал. ЎзТАГ – Қозоғистоннинг “КАЕ” корхонаси Ўзбекистонга илк марта тунги кўриш қурилмалари етказиб берди, деб хабар беради Ўзбек телеграф агентлиги (ЎзТАГ) компания матбуот хизматига таянган ҳолда.

“Тунда кўриш қурилмаларининг дастлабки синов партияси Ўзбекистон Қуролли кучлари эҳтиёжи учун 2017 йилнинг охирида етказиб берилди”, - дейилади хабарда.

Шундан кейин хабар берилишича, завод ўзининг электрон-оптик маҳсулотларини ўтган йилнинг сентябрида Тошкентда ташкил этилган “Ўзбекистон-Қозоғистон: ҳамкорликнинг янги босқичи” саноат кўргазмасида намойиш этган. Натижада, тарафлар шартнома имзолаганлар. Томонлари яқин орада ҳамкорликни кенгайтиришни ҳам режалаштирмоқдалар.

Эслатиб ўтамизки, “КАЕ” корхонаси “Казахстан инжиниринг МК” АЖ таркибига киради. Ширкат тунги кўриш қурилмалари, тепловизион прицеллар, электрон плата ва оптик линзалар ишлаб чиқаради.

Сурат манбаи: https://www.mod.gov.kz/rus/press-centr/novosti/?cid=0&rid=3168