Курск полициячилари Ўзбекистонлик бўлган шахсни наркотиклар сотиш каналини ташкил қилганлик учун қўлга олди

Тошкент. 13 июл. ЎзТАГ – Курск полициячилари Ўзбекистонлик бўлган шахсни наркотиклар сотиш каналини ташкил қилганлик учун қўлга олди, деб хабар беради Ўзбек телеграф агентлиги (ЎзТАГ).

“Оператив-қидирув тадбирлари натижасида 20 ёшли Ўзбекистонлик шахс Москва ҳудудидан Курск вилоятига героин етказиб бериш каналини ташкил қилгани ва оғуни яширин жойлар орқали тарқатишни йўлга қўйгани аниқланди. Ёш йигит пойтахтга келган, лекин барқарор даромад ўрнига уни тасодифий даромадлар кутиб олган. Натижада, танишлари тавсияси билан у наркобизнес билан шуғулланишга қарор қилган”, - дейилади Россия ИИВ Курск вилояти бошқармаси сайтида.

Кейинчалик ёш йигит “ижарага олинган автомобилда Курскка келган, квартирани ижарага олган ва яширин жойларга наркотиклар жойлаштиришга киришган. Лекин бир сафар оператив ходимлар эътиборига тушиб қолган”.

Маълум қилинишича, полициячилар наркосотувчини шаҳарнинг марказий кўчаларидан бирида навбатдаги яширин жойга героин қўяётган пайтида қўлга олганлар.

“Эндиликда у йирик миқдорда наркотик моддаларни ноқонуний сотишда гумондор мақомини олди. Ёш йигит қўлга олинган ва вақтинчалик сақлаш жойида”, - деб хулоса қилинади хабарда.