“Кыргыз темир жолу” “Тошкент-Балиқчи” поезди юра бошлаш санаси номаълумлигини эълон қилди

Тошкент. 5 август. ЎзТАГ – “Тошкент-Балиқчи” поезди юра бошлашининг аниқ  санаси номаълум, деб хабар қилди жума куни КирТАГ агентлигига “Кыргыз темир жолу” МК ДК матбуот котиби Эркин Каимов.

“Тошкентдан Балиқчига поезд юра бошлашининг аниқ санаси маълум эмас. Ҳозирда Ўзбекистон ва Қозоғистон билан музокаралар давом этмоқда. Мамлакатлар қачон келишишса, аниқ сана ўшанда маълум бўлади”, - деди Э.Каимов.

Унинг сўзларига кўра, “Тошкент-Балиқчи” темир йўл маршрути бўййича ҳаракат 2010 йилдаги мамлакат жанубидаги воқеалардан кейин тўхтатиб қўйилган эди. Уни фақат собиқ бош вазир Темир Сариевнинг топшириғига биноан ўтган йили қайта йўлга қўйишга эришилган эди.

Агентликнинг эслатишича, олдинроқ баъзи ОАВ ушбу йўналишдаги поезд 16 августданоқ тикланиши ҳақида хабар қилишган эди.