“Локомотив”нинг клублар ўртасида Осиё чемпионатидаги рақиблари маълум бўлди

Тошкент. 26 май. ЎзТАГ. – Хитойнинг Ченгду шаҳрида Футзал бўйича клублар ўртасида 2014 йилги Осиё чемпионатининг финал босқичига қуръа ташлаш маросими бўлиб ўтди, дея хабар беради Ўзбек телеграф агентлиги (ЎзТАГ).
“Қуръа натижаларига кўра, мусобақаларда Ўзбекистон шарафини ҳимоя қиладиган Тошкентнинг «Локомотив» клуби «А» гуруҳидан ўрин олди. Унга гуруҳ босқичида мусобақа мезбони, Хитойнинг «Шенчжен Нанлинг», Япониянинг «Нагоя Оушенс» ва Австралиянинг «Вик Вайперс» клублари рақиблик қилади”, - деб таъкидлашди Ўзбекистон Футзал федерациясида.
Мусобақанинг иккинчи – «В» гуруҳидан эса Таиланднинг «Чонбури Бльювэйв», Эроннинг «Дабири Табриз», Ливаннинг «Банк оф Бейрут» ва Кувайтнинг «Ал-Қодисия» клублари ўрин олган.
Эслатиб ўтамизки, Футзал бўйича клублар ўрасида Осиё чемпионати финали 2014 йилнинг 25-30 август кунлари Хитойнинг Ченгду шаҳрида бўлиб ўтади.