Лола Каримова-Тиллаева Ўзбекистон гимнастика федерацияси президенти лавозимини тарк этди

Тошкент. 6 март. ЎзТАГ – Лола Каримова-Тиллаева Ўзбекистон гимнастика федерацияси президенти лавозимини тарк этди, деб хабар беради Ўзбек телеграф агентлиги (ЎзТАГ).

У бу ҳақида Facebookдаги саҳифасида Лос-Анжелесда Сэр Элтон Жоннинг ОИТСга қарши кураш Фонди томонидан ташкил этилган хайрия кечасидан сўнг ёзиб қолдирди.

“Мен ушбу пост орқали, мана 13 йиллик фаолиятимдан сўнг, Ўзбекистон гимнастика федерацияси Президентлиги лавозимини тарк этишга мажбур эканлигимни эълон қилмоқчиман. Мен барча спортчиларимиз, федерациянинг бутун мураббийлар жамоаси ҳамда барча ишчи ходимларига аъло бажарилган фаолиятлари, ушбу спорт турини юқори даражага кўтаришдаги ҳиссалари, унинг ривожланиш йўлидаги тинимсиз меҳнатлари ҳамда ғайратлари учун чин дилимдан ташаккур билдирмоқчиман. Осиё Гимнастика Иттифоқининг фахрий Президенти лавозимини сақлаб қолган ҳолда, мен ушбу ажойиб спорт турининг ашаддий муҳлисларидан бўлиб қоламан ҳамда бизнинг ўзбек гимнастларимизга келгуси фаолиятларида омад ва ғалабалар тилайман!” – деб ёзди Ўзбекистоннинг собиқ президентининг кичкина қизи.

Сурат манбаи: http://vestikavkaza.ru/news/Lola-Karimova-pokinet-post-posla-pri-YUNESKO.html