Лондоннинг машҳур Уэмблисида ўзбек профессионал боксчиси Шаҳрам Ғиёсовнинг жанги бўлиб ўтади
Дата: 14:27, 10-09-2018.
Тошкент. 10 сентябр. ЎзТАГ – 22 сентябрда Лондонда ўзбекистонлик профессионал боксчи Шаҳрам Ғиёсовнинг никарагуалик боксчи Хулио Лагунга қарши жанги бўлиб ўтади, деб хабар беради Ўзбек телеграф агентлиги (ЎзТАГ).
Ўзбекистон Миллий олимпиа қўмитаси маълумотларига кўра, Шаҳрам Ғиёсов ўзининг бешинчи жангини Уэмбли стадионида (Лондон) ўтказади.
Эслатиб ўтамизки, бокс бўйича жаҳон чемпиони, Олимпиа ўйинларининг кумуш совриндори Ш. Ғиёсов профессионал рингда 4 жанг ўтказган бўлиб, барчасида ғалабага эришган. 3 жангда нокаут қайд этган.
Х. Лагунанинг ҳисобида 14 жанг бўлиб, биронта ҳам мағлубият йўқ. Боксчи 10 нокаутга эришган.
Сурат манбаи: из https://www.uzdaily.uz
