МАК навбатдаги Нью-Йорк-Тошкент тўғридан-тўғри рейсини бажарди
Тошкент. 14 август. ЎзТАГ – “Ўзбекистан ҳаво йўллари” МАК Dreamlinerи навбатдаги Нью-Йорк-Тошкент тўғридан-тўғри рейсини бажарди, деб хабар беради Ўзбек телеграф агентлиги (ЎзТАГ).
Бу ҳақида ўзбек миллий авиаташувчиси хабар қилди.
МАК Dreamlinerи трансконтиненталь йўлни 10 соат 50 дақиқада босиб ўтиб, И.Каримов номидаги “Тошкент” аэропортига келиб қўнди.
Эслатиб ўтамизки, МАК Dreamlinerининг Нью-Йорк-Тошкент йўналишидаги учишлари пайшанба кунлари амалга оширилади. Самолёт Тошкентдан 08:40да йўлга чиқиб, Нью-Йоркдан 15:00да (маҳаллий вақт) ортга қайтади.
Boeing 787 Dreamliner –икки двигателли кенг фюзеляжли реактив пассажир самолёти бўлиб, Boeing Commercial Airplanes ширкати томонидан ишлаб чиқилган. Унга турига қараб, 250тадан 330 кишигача одам кетади. Boeing маълумотига кўра, Dreamliner олдинги самолётларга қараганда анча тежамли. Boeing 787 компаниянинг конструкциясида композицион материаллар қўлланган илк йўловчи самолётидир.
