Максим Орешкин Ўзбекистон ва Россия ҳукуматлараро комиссиянинг ҳамраиси бўлди
Дата: 14:52, 07-12-2018.
Тошкент. 7 декабр. ЎзТАГ – РФ иқтисодий ривожланиш вазири Максим Орешкин Ўзбекистон ва Россия ҳукуматлараро комиссиянинг (ҲАК) ҳамраиси бўлди, деб хабар беради Ўзбек телеграф агентлиги (ЎзТАГ).
РФ бош вазири Дмитрий Медведевнинг бунга доир тегишли қарори ҳуқуқий маълумотлар порталида эълон қилинди.
Орешкин ушбу лавозимда бош вазирнинг биринчи ўринбосари – молия вазири Антон Силуановнинг ўрнига келди.
“Россия иқтисодий ривожланиш вазири Максим Орешкин Ўзбекистон ва Россия ўртасидаги иқтисодий ҳамкорлик бўйича ҳукуматлараро комиссиянинг ҳамраиси этиб тасдиқлансин, ўз навбатида, Антон Силуанов бу вазифадан озод этилсин”, - дейилади ҳужжат матнида.
Сурат манбаи: https://lenta.ru
