Малайзия компанияси Ўзбекистонда ислом банкчилигини тақдим этиши мумкин

Дата: 14:59, 06-11-2018.

Тошкент. 6 ноябр. ЎзТАГ – Ислом банкчилиги хизматларини кўрсатувчи CSQLaw малайзия компанияси Ўзбекистонда ваколатхона очиш имкониятини кўриб чиқмоқда, деб хабар беради Ўзбек телеграф агентлиги (ЎзТАГ).

Бу ҳақида ширкат вакиллари билан Ўзбекистон Адлия вазирлигида бўлиб ўтган учрашувда сўз борди.

Вазирликдан маълум қилишларича, компания Қозоғистон, Тожикистон ва Афғонистонда ислом банкчилигини жорий этиш соҳасида молия ва корпоратив хизматлар кўрсатади.

Томонлар иккитарафлама ҳамкорликни янада кенгайтириш, шу жумладан, консалтинг ва юридик хизматлар кўрсатиш учун Ўзбекистонда CSQLaw ширкатининг ваколатхона очиш имкониятини муҳокама қилдилар.

Шунингдек, омонлар иккитомонлама ҳамкорликни кенгайтиришга келишиб олдилар.

Сурат манбаи: https://www.uzreport.news

Янгилик билан ўртоқлашиш: