Малайзиялик туроператорлар сайёҳларни Ўзбекистонга юборадилар
Тошкент. 10 сентябрь. ЎзТАГ – Малайзия туроператорлари Ўзбекистонга туристларни юборади, деб хабар беради Ўзбек телеграф агентлиги (ЎзТАГ).
"6-9 сентябрь кунлари Куала-Лумпур шаҳридаги Ўзбекистон элчихонаси Малайзиянинг «МАТТА FAIR 2019» сайёҳлик ярмаркасида иштирок этди, бу фақат «B2C» (Business to Customer)» форматида фаолият юритадиган минтақадаги энг машҳур кўргазма-савдо ҳисобланади", - дейилади Ташқи ишлар вазирлиги (ТИВ) матбуот хизмати хабарида.
Таъкидланганидек, зиёрат туризмини ривожлантириш, хусусан, Ўзбекистон ҳудудида муқаддас жойлар ва ёдгорликларга сайёҳлик сафарларини ташкил этиш соҳасида Малайзиянинг ихтисослашган етакчи сайёҳлик компаниялари билан ҳамкорликни йўлга қўйишга эътибор қаратилди. Малайзия компаниялари зиёрат туризми, экотуризм, бизнес туризм, агротуризм, пазандалик ва спорт турлари каби туризм соҳаларини ривожлантириш бўйича Ўзбекистон сайёҳлик компаниялари ва агентликлари билан узоқ муддатли ҳамкорликни йўлга қўйишдан манфаатдор эканини билдирди.
Шунингдек, кўргазмага ташриф буюрган меҳмонларга Ўзбекистоннинг сайёҳлик салоҳияти ва маданий-тарихий мероси ҳақида видеосюжетлар намойиш этилди.
Бундан ташқари, мамлакатимизнинг турли минтақаларидаги бой мусиқий ва рақс санъатини намойиш этган ўзбекистонлик рақс гуруҳи иштирокида маданий дастур намойиш этилди.
"Халқаро кўргазма якунида «Travelyoyo Sdn. Bhd», «Best Holiday Tour» ва «Triways Travel Network» Малайзия туроператорлари билан 2019 йилнинг IV чорагида Ўзбекистонга 400-500 га яқин Малайзия сайёҳлари борадиган йўналишлар келишувига эришилди», - деб якунланади хабар.
Сурат манбаи: theopenasia.net
