Марк Вайлнинг “Ильхом” театри янги спектакль премьерасини ўтказади
Дата: 09:57, 13-01-2015.
Тошкент. 13 январ. ЎзТАГ – 25 январда Марк Вайлнинг “Ильхом” театрида янги “Олтин аждар” спектаклининг премьераси бўлиб ўтади, дея хабар беради Ўзбек телеграф агентлиги (ЎзТАГ).
“Янги постановка немис драматурги Роланд Шиммельпфеннининг шу номли пъесаси асосида яратилган. Асар Европага Осиёнинг турли бурчакларидан пул топиш учун келган муҳожирлар ҳақидаги сюрреалистик трагикомедиядир”, – деб таъкидлашди Марк Вайлнинг “Ильхом” театри матбуот хизматида.
Асарнинг постановкачи режиссёри Вячеслав Цзю. Спектаклда театрнинг етакчи актёрлари Ольга Володина, Наталья Ли, Аброр Йўлдошев, Рустам Мамедов, Шохруз Исмоилов, Христина Белоусова, Камилла Носирова ва бошқалар қатнашганлар.
