Марказий банк “Ҳамкорбанк”ка валютада операциялар ўтказишга яна рухсат берди
Тошкент. 6 июн. ЎзТАГ – Ўзбекистон Марказий банки «Ҳамкорбанк»дан аввал жорий этган юридик шахслар билан хорижий валюта операцияларни амалга оширишга қўйган чекловни олиб ташлаганини маълум қилди, деб хабар беради Ўзбек телеграф агентлиги (ЎзТАГ).
Маълумки, жорий йилнинг февралида МБ “Ҳамкорбанк”нинг юридик шахслар билан хорижий валюта операцияларини амалга ошириш ҳуқуқини олти ой муддатга тўхтатган эди.
“Банк барча кўрсатмаларни бажариб, камчиликларни бартараф этди. Шу сабабли унга валютада операциялар ўтказиш ҳуқуқи қайтариб берилди”, - деб таъкидлашди Марказий банкда.
Эслатиб ўтамизки, “Ҳамкорбанк” АТБ ўз фаолиятини 1991 йилда Андижонда бошлаган эди. Ўтган 25 йил давомида банк бутун республика вилоятларини қамраб олган филиаллар тармоғига эга бўлди.
