Марказий Осиё ва Вишеград тўртлиги ТИВ раҳбарлари учрашув ўтказдилар

Тошкент. 28 феврал. ЎзТАГ – 27 февралда Ўзбекистон Республикаси делегацияси Будапешт шаҳрида (Венгрия) “Вишеград гуруҳи” ва Марказий Осиё ташқи ишлар вазирларининг учрашувида иштирок этди, деб хабар беради Ўзбек телеграф агентлиги (ЎзТАГ).

Ўзбекистон ТИВ берган маълумотга кўра, шунингдек, ўзбек делегацияси венгер пойтахтида қатор иккитарафлама учрашувлар ҳам ўтказади.

Эслатиб ўтамизки, “Вишеград гуруҳи” - тўрт мамлакат: Чех Республикаси, Венгер Республикаси, Польша Республикаси ва Словак Республикаси бирлашмасининг норасмий номидир.

“The European Quartet - One Melody” (Тўрт мамлакат – Бир наво). 2004 йилдан бери Чехия, Польша, Словакия ва Венгриянинг кўп томонлама ҳамкорлиги, ижодий ресурслари бирлашуви ва бошқа фаолиятлари ушбу шиор остида давом этиб келмоқда. Хусусан, ушбу ҳамкорлик марказий-европа туризми таклифларини оммалаштиришга ҳам қаратилгандир.

Сурат манбаи: https://ria.ru/world/20170620/1496909358.html