Март бошида Тошкентда анъанавий мебель кўргазмаси бўлиб ўтади
Тошкент. 15 феврал. ЎзТАГ – 2 мартда Тошкентда анъанавий MebelExpo Uzbekistan мебель кўргазмаси очилади. Унда 14 мамлакатдан 90 зиёд компаниялар қатнашади, деб хабар беради Ўзбек телеграф агентлиги (ЎзТАГ).
ITE-Uzbekistan ширкатидан хабар қилишларича, кўргазма экспозицияси анча катталашган бўлиб, мебель ишлаб чиқаришнинг бутун циклини намойиш этади.
Ёғочга ишлов берувчилар экспозициясида таниқли Homag, Altendorf, SCM, Pade, Italpresse, Orma немис ва итальян компаниялари, шунингдек, Италиянинг Biesse, Griggio, Koimpex брендлари станоклари намойиш қилинади. Литванинг UMP Technika ширкати ёғоч чиқиндиларни зичлаш ускуналари, Leitz, Leuco немис ва Ferrotec япон бренди ёғочга ишлов бериш ускуналарини тақдим этади.
Blum, Hettich немис компаниялари, GTV поляк, Samet, Array, Starax, Tarlasan турк ширкатлари, россиянинг Дюсон, ViaFerrata ва бошқалар мебелчилар учун инновацион технологияларни намойиш этадилар.
