Матилда Димовска БМТТДнинг Ўзбекистондаги доимий вакили этиб тайинланди
Дата: 12:33, 04-04-2019.
Тошкент. 4 апрель. ЎзТАГ – Матилда Димовска БМТТДнинг Ўзбекистондаги доимий вакили бўлди, дея хабар беради Ўзбек телеграф агентлиги (ЎзТАГ).
ТИВнинг хабар беришича, 3 апрель куни Ўзбекистон ташқи ишлар вазири Абдулазиз Комилов БМТнинг Ўзбекистондаги Тараққиёт дастурининг доимий вакили этиб тайинланган Матилда Димовскани қабул қилди.
“М. Димовска БМТТД маъмурияти раҳбари Аким Штайнернинг ўзининг Ўзбекистонга тайинлови ҳақидаги мактубини топширди”, - дейилади хабарда.
Суҳбат чоғида Ўзбекистон билан БМТТД ўртасидаги муносабатларнинг ҳолати ва истиқболлари муҳокама қилинди.
Сурат манбаи: mfa.uz
