ЎМБ 820 бизнес субъектига $735 млнлик маҳсулотларни экспорт қилишга кўмаклашди
Тошкент. 23 октябр. ЎзТАГ – 2013 йилнинг сентябридан 2014 йилнинг сентябрига қадар Ўзбекистон Республикаси Ташқи иқтисодий фаолият миллий банки қошидаги Кичик бизнес ва хусусий тадбиркорлик субъектларини қўллаб-қувватлаш жамғармаси 820 тадбиркорлик субъектига қиймати $735 млнлик маҳсулот ва хизматларни экспорт қилишга кўмаклашди, дея хабар қилади Ўзбек телеграф агентлиги (ЎзТАГ).
13 бизнес субъектлари қиймати 2 млрд сўмлик фоизсиз қарз шаклидаги молия кўмаги олдилар. Бундан келган иқтисодий самара $66,6 млнни ташкил этди. Хориждан харидорлар қидириш натижасида бизнес субъектлари ана шунча суммадаги экспорт битимлари туздилар.
Шунингдек, жамғарма 54 ишлаб чиқариш корхоналарига халқаро талаблар бўйича бошқарув тизимларини жорий этишни бошқичма-босқич йўлга қўйишда кўмаклашмоқда.
