ЎМБнинг Экспортни қўллаб-қувватлаш жамғармаси 660 фирмага қиймати $630 млнлик товарларни экспорт қилишда кўмаклашди
Тошкент. 23 сентябр. ЎзТАГ – Ўзбекистон Ташқи иқтисодий фаолият миллий банки ҳузуридаги Экспортни қўллаб-қувватлаш жамғармаси 2014 йил бошидан бери 660 ўзбек корхоналарига қиймати $630 млнлик товар ва хизматларни экспортқилишда кўмаклашди, дея хабар беради Ўзбек телеграф агентлиги (ЎзТАГ).
Хусусан, Тошкент, Сирдаё ва Жиззах вилояти фермерларига қишлоқ хўжалик маҳсулотларини экспорт қилишда кўмак кўрсатилди.
“Бугунда жамғарма дунё бўйлаб юздан ошиқ ҳамкорларга эга. Ҳамкорлик географиясини кенгайтириш бўйича ишлар амалга оширилмоқда”, - деб таъкидлади жамғарманинг маркетинг ва ташқи бозорларни ўрганиш бўлими бошлиғи Камолиддин Нурматов.
Мисол учун, Корея Республикаси Кичик ва ўрта бизнес корпорацияси раҳбарияти билан учрашувлар натижасида 2014 йил ноябрида ўзбек-жанубий корейс бизнес-форуми ва кооперация биржасини ўтказишга келишиб олинди.
Эслатиб ўтамизки, Ўзбекистон Кичик ва хусусий бизнес экспортни қўллаб-қувватлаш жамғармаси 2013 йилда Ўзбекистон Ташқи иқтисодий фаолият миллий банки ҳузурида ташкил этилган. Кичик бизнес субъетлари ушбу жамғарма орқали товар ва хизматлар экспортини хорижий валютада олдиндан тўловсиз, аккредитив очмасдан туриб соддалашган тарзда амалга оширишлари мумкин.
