McDonald’s Ўзбекистон бозорига чиқишни режалаштирмоқда

Тошкент. 28 сентябр. ЎзТАГ – Американининг McDonald’s корпорацияси Ўзбекистон бозорига чиқиш масаласини кўриб чиқмоқда, деб хабар беради Ўзбек телеграф агентлиги (ЎзТАГ).

“McDonald's компанияси ҳозирда Ўзбекистон бозорига бевосита ёки франшиза орқали кириб келиш имкониятларини ўрганиб чиқмоқда. Бу маълумотни биз ширкатнинг минтақавий вакиллари орқали олдик. Ўйлайманки, ушбу масалани албатта муҳокама қиламиз, Ўзбекистон бозори очиқ. Биз ҳар қандай роқобатни қўллаб қувватлаймиз, агар америка корпорацияси бозорга чиқса, нафақат McDonald's, балки KFC, Baskin Robbins ва бошқалар келишса – биз буни фақат қўллаб қувватлаймиз”, - деди Ўзбекистон Ташқи савдо вазири Элёр Ғаниев.

Эслатиб ўтамизки, олдинроқ қатор ОАВ йил охирига қадар Тошкентда McDonald’s ресторани очилиши мумкинлиги ҳақида эълон қилган эдилар.