МДҲ фуқаролари йил бошидан бери Фарғона вилоятида 57 жиноий ҳуқуқбузарликларни содир этдилар

Тошкент. 12 май. ЎзТАГ – 2016 йилнинг тўрт ойида Фарғона вилоятининг ҳуқуқни муҳофаза қилиш органлари МДҲ фуқаролари томонидан содир этилган 57 жиноий ҳуқуқбузарликларни қайд этдилар, деб хабар беради Ўзбек телеграф агентлиги (ЎзТАГ).

“47 ҳуқуқбузарликлар Қирғизистон фуқаролари томонидан содир қилинди. Ушбу мамлакатдан бўлган ҳуқуқбузарлар кўп ҳолларда Боткент ва Ўш вилоятидан бўлади. Кейинги иккинчи ўринда Тоджикистон фуқаролари (7 киши), учинчида Россия (3 киши)”, - деб таъкидлади ҳуқуқни муҳофаза қилиш органидаги манба.

Қирғизистонликлар асосан Ўзбекистонда бўлиш тартибларига оид қонунчиликни бузмоқдалар. Аммо бундан оғир жиноятлар ҳам учраб туради. Масалан, Ўш шаҳрида яшовчи 38 ёшли А.Қодиржонов Фарғонадаги хонадонга шериклари билан бостириб кирган. Жиноятчилар уй эгасини боғлаб, унинг 345 минг сўмини ўғирлаганлар. Қодиржонов Ўзбекистон Жиноят кодексининг 164 моддаси 2 қисми бўйича (Талончилик) жавобгарликка тортилди.

Умуман, 2016 йилнинг тўрт ойида қўлга олинган МДҲ фуқаролари мамлакат Жиноят кодексининг 130 (Порнографик маҳсулотларни тайёрлаш, олиб кириш ва тарқатиш), 164 (Талончилик), 168 (Фирибгарлик), 223 (Ўзбекистон ҳудудига ноқонуний кириш ва чиқиш), 246 (Контрабанда), 270 (Ўстириш таъқиқланган экинларни экиш) моддалари бўйича жавобгарликка тортилган.