MDIS Tashkent Сингапур магистратура ва бакалавриат бўйича янги йўналишлар очмоқда
Тошкент. 22 июн. ЎзТАГ – Сингапурнинг Тошкентдаги Менежментни ривожлантириш институти (MDIS Tashkent) 2015/2016 ўқув йилида магистратура ва бакалавриат бўйича янги йўналишлар очмоқда, деб хабар беради Ўзбек телеграф агентлиги (ЎзТАГ).
MDIS Tashkentдан хабар беришларича, янги йўналишларнинг бири “бизнес маъмурликда магистрлик даражаси” (MBA – Master of Business Administration). Иккинчи йўналиш - “халқаро туризм ва меҳмонхона менежменти”дир (MBA in Hospitality Management).
Ушбу дастур Сандерленд Университети (Буюк Британия) ишланмалари асосида тақдим этилган бўлиб юқоридаги инглиз ОТМ дипломи беришни кўзда тутади. MDIS Tashkent, маълумотларига кўра, британ университети бир неча мутахассисликлардан ташкил топган халқаро аккредитациядан ўтган дастурни тақдим этувчи ягона ОТМдир. Булар молия бўйича МВА (MBA in Finance), шунингдек, маркетинг бўйича МВА (МВА in Marketing) каби йўналишлардир.
Янги академик йилдан бошлаб MDIS Tashkent бакалавриат бўйича янги-амалий туризм ва меҳмонхона менежменти” дастурини ҳам бошламоқда. Дастур Бангор Университети (Буюк Британия) томонидан тақдим этилган.
Ўқишни тугаллаганлар замонавий туризм талабларига мос келувчи янги лойиҳаларни ишлаб чиқишлари мумкин.
Сингапурнинг Тошкентдаги Менежментни ривожлантириш институти 2007 йилда Ўзбекистон президентининг қарорига мувофиқ ташкил этилган. Бу ердаги барча дастурлар Буюк Британия ва Австралиянинг етакчи университетлари томонидан тасдиқланган.
Сандерленд университети Буюк Британияда 1901 йилда ташкил этилган бўлиб, нуфузли илмий-тадқиқот маркази ҳисобланади. 2012 йилда у TheTimes журнали томонидан “Йил университети” деб топилган.
Бангор университети (Буюк Британия) 1884 йилда ташкил этилган бўлиб, таниқли британ университетларидан бири саналади.
