Медведев МДҲ Ҳукумат раҳбарлари кенгашининг Тошкентдаги мажлисида иштирок этади
Дата: 12:37, 31-10-2017.
Тошкент. 31 октябр. ЎзТАГ – Россия Федерацияси Ҳукумати Раиси Дмитрий Медведев Мустақил Давлатлар Ҳамдўстлиги Ҳукумат раҳбарлари кенгашининг мажлисида иштирок этади, деб хабар беради Ўзбек телеграф агентлиги (ЎзТАГ).
“2-3-ноябр кунлари Россия Федерацияси Ҳукумати Раиси Дмитрий Медведев бошчилигидаги делегация расмий ташриф билан Ўзбекистонда бўлади. Ўзбекистон Президенти Шавкат Мирзиёев Россия делегациясини қабул қилади”, - дейилади Ўзбекистон ташқи ишлар вазирлиги матбуот хизматининг хабарида.
Ташриф доирасида кўп қиррали ўзаро муносабатларни янада ривожлантириш, уларни аниқ мазмун билан бойитишнинг истиқболли йўналишларини муҳокама қилиш учун ҳукуматлараро музокаралар ўтказилиши режалаштирилган.
