Microsoft Тошкентдаги Инха Университети билан ҳамкорликни йўлга қўймоқда
Тошкент. 15 феврал. ЎзТАГ – Яқинда Microsoft корпорациясининг делегацияси Тошкент шаҳридаги Инха университетига ўзаро ҳамкорликни янада кенгайтириш мақсадларида ташриф буюрди, деб хабар Ўзбек телеграф агентлиги (ЎзТАГ).
“Делегация таркибига Microsoftнинг Марказий ва Шарқий Европа минтақасида лицензия қоидаларига амал қилинишини назорат қилиш бўйича менежерлари Диас Шуканов ва Анна Самолётова, Ўзбекистондаги бизнесини ривожлантириш бўйича менежер Равшан Каримов ва Марказий Осиё ва Монголияда ҳамкорлар билан ишлаш менежери Алиёр Баҳроновлар кирганлар”, - деб таъкидланади университет матбуот релизида.
Учрашув доирасида Тошкент шаҳридаги Инха университети ректори Шерзод Шерматов меҳмонларга таълим жараёни, келажакдаги режалар ҳақида сўзлаб берди. Жумладан, университет IT-саноат вакиллари билан ҳамкорликни йўлга қўйишга катта эътибор қаратаётгани ва бу иш яқинда бу ерда очилган янги Инновациялар ва саноат кооперацияси марказининг асосий йўналиши эканлиги таъкидланди.
Диас Шуканов Microsoft делегацияси ташрифи томонлар ўртасидаги ҳамкорликни кенгайтириш имкониятларини ўрганишга йўналтирилганлигини айтиб ўтди.
Музокараларда томонлар турли ҳамкорлик йўналишларини, жумладан, Microsoft лойиҳа ва дастурлари доирасидаги алоқаларни муҳокама қилдилар.
