Микрокредит ташкилотлари йиллик умумий йиғилишдан икки ҳафта олдин молия ҳисоботларини эълон қилишлари лозим
Дата: 15:25, 25-02-2016.
Тошкент. 25 феврал. ЎзТАГ – Ўзбекистон микрокредит ташкилотлари олий бошқарув органининг йиллик умумий йиғилишдан икки ҳафта олдин молия ҳисоботларини эълон қилишлари лозим, деб хабар беради Ўзбек телеграф агентлиги (ЎзТАГ).
Марказий банкдан маълум қилишларича, ушбу масала юзасидан банк Адлия вазирлиги томонидан 18 февралда рўйхатдан ўтказилган қарор қабул қилинган.
Хужжатга мувофиқ “Микрокредит ташкилотларида аудиторлик текширувини ўтказиш тартиблари тўғрисида”ги низомга ўзгартиш ва қўшимчалар киритилган.
Олдин ҳисобот аудиторлар маълумотлар тўғрилиги тасдиқланганидан сўнг ҳисобот йили тугаганидан кейин 1 майгача эълон қилинар эди.
Қарор 2016 йил 22 февралдан кучга кирди.
