“Миллий тикланиш” ЎДП Сарвар Отамуродовни президентликка номзод қилиб кўрсатди

Тошкент. 16 сентябр. ЎзТАГ – “Миллий тикланиш” Ўзбекистон демократик партияси Ўзбекистон президенти сайловларига ўз номзодини кўрсатди, деб хабар беради Ўзбек телеграф агентлиги (ЎзТАГ).

“Тошкентда Ўзбекистон “Миллий тикланиш” демократик партияси Марказий Кенгашининг навбатдаги пленумида партиядан Отамурадов Сарвар Садуллаевичнинг номзоди таклиф этилди”, - деб таъкидланади Ўзбекистон МСК хабарида.

Сарвар Отамуратов “Миллий тикланиш” ЎДП Марказий Кенгаши раиси. 2015 йилдан бери партиянинг Олий Мажлис Қонунчилик палатасидаги фракция раҳбари, Ахборот ва коммуникацион технологиялар қўмитаси аъзосидир.

Олдинроқ “Ўзбекистон Либерал-демократик партияси (ЎзЛиДеп) Сиёсий Кенгашининг навбатдаги мажлисида Шавкат Мирзиёев президентликка номзод қилиб кўрсатилгани ҳақида маълум қилинган эди.

Шунингдек, 2016 йилнинг 4 декабрида Ўзбекистонда муддатидан олдинги президент сайловлари бўлиб ўтиши маълум қилинган эди.

Эслатиб ўтамизки, 2 сентябрда Ўзбекистонда президент Ислом Каримовнинг инсульт оқибатида вафот этгани хабар қилинган эди. Мамлакатни 26 йилдан ортиқ бошқарган республиканинг биринчи президенти туғилган юрти Самарқандда 3 сентябрда дафн этилди.

Кейинчалик бош вазир Шавкат Мирзиёев Вақтинчалик Ўзбекистон президент вазифасини бажарувчи этиб тайинланди.

Ш.Мирзиеев 2003 йилдан бери республика бош вазири лавозимида ишлайди. 2015 йилги парламент сайловлари натижалари бўйича шу йил январда яна Ўзбекистон бош вазири қилиб тасдиқланган эди.