Milliy TV телеканалини бутун Ўзбекистон бўйлаб кўриш мумкин
Дата: 17:21, 11-01-2017.
Тошкент. 11 январ. ЎзТАГ – 10 январ куни Ўзбекистондаги янги телеканаллардан бўлган Milliy TV маъмурияти телеканални эндиликда бутун Ўзбекистон бўйлаб кўриш мумкинлиги ҳақида маълум қилди, деб хабар беради Ўзбек телеграф агентлиги (ЎзТАГ).
Milliy TV телеканалига телевизорингиз созламаларидаги автоқидирув тизимидан фойдаланган ҳолда уланиб олиш мумкин. Ягона талаб – тюнерингиз ДВБ-Т2 рақамли телевидение стандартини қўллаши керак”, - дейилади канал хабарида.
Эслатиб ўтамизки, Milliy TV телеканали тўлақонли эфирга 2016 йил 1 сентябрдан бошлаб чиққан эди.
Бундан олдин эса телеканал YouTube видеохостингида тўғридан тўғри намойишга чиққан ва уни дунёнинг исталган нуқтасидан кўриш мумкин эди.
