Мини-футбол бўйича Ўзбекистон терма жамоаси Эронга ютқазди
Дата: 12:15, 21-04-2014.
Тошкент. 21 апрель. ЎзТАГ – Мини-футбол бўйича Ўзбекистон миллий терма жамоаси Эрон терма жамоасига қарши биринчи ўртоқлик учрашувини ютқазди, дея хабар беради Ўзбек телеграф агентлиги (ЎзТАГ).
“Икки жамоани яқинда бўлиб ўтиши кутилаётган Осиё чемпионатига тайёрлашга йўналтирилган ўйинда Эрон терма жамоаси 6:1 ҳисобида ғалаба қозонди. Ўзбекистон таркибида ягона голни Фарҳод Абдумавлонов киритди”, - деб таъкидлашди Ўзбекистон мини-футбол ассоциациясида.
Эслатиб ўтамизки, пойтахт йиғини якунлангандан кейин Ўзбекистон терма жамоаси 23 апрел куни Хитойга учиб кетади ва бу ерда Осиё чемпионатига тайёргарликни давом эттиради. Илгари хабар берилгани каби, 25 ва 27 апрель кунлари жамоа Хитойга қарши икки ўртоқлик учрашуви ўтказади.
