Мини-футбол бўйича Ўзбекистон термаси Осиё чемпионатини муваффақиятли бошлади

Тошкент. 11 феврал. ЎзТАГ – Мини-футбол бўйича Ўзбекистон термаси Осиё чемпионатини муваффақиятли бошлаб, Саудия Арабистони термасини 5:2 ҳисобида енгди, деб хабар беради Ўзбек телеграф агентлиги (ЎзТАГ) маҳалли ОАВ асосланган ҳолда.

Даврон Чориев рақиблар дарвозасига икки гол, Жамолиддин Шарипов, Артур Юнусов ва Константин Свиридовлар биттадан тўп киритдилар.

Ўзбекистон уч марта қитъанинг кумуш совриндори бўлган. Бу совринлар 2001 йил Эронда, 2006 йил Японияда ва 2010 йил Тошкентда олинган.

Эслатиб ўтамизки, футзал бўйича XIV Осиё чемпионати 10-21 февралда Тошкентда бўлиб ўтмоқда. Ўзбекистон учинчи бор турнирга мезбонлик қилмоқда.

Ғалаба учун тўрт гуруҳда 16 жамоа курашади. Хосе Марии Мендез шогирдлари “A” гуруҳида Ливан, Қирғизистон ва Саудия Арабистони термалари билан беллашадилар.

Энг кучли беш терма жамоа Колумбиядаги жаҳон чемпионатига йўлланма олади.