“Мир Араб” мадрасасига биринчи 50 та талаба қабул қилинди

Тошкент. 12 сентябр. ЎзТАГ – Ўзбекистоннинг Бухоро вилоятидаги “Мир Араб” мадрасасига биринчи 50 та талаба қабул қилинди, деб хабар берди РИА Новостига  республика Вазирлар Маҳкамаси ҳузуридаги Дин ишлари бўйича қўмита вакили.

“50 киши Ўзбекистондаги “Мир Араб” биринчи олий мадрасаси талабалари бўлдилар, ўқиш даври тўрт йилга тенг”, - деб аниқлаштирди агентлик суҳбатдоши.

Унинг сўзларига кўра, мадраса динлар тарихи ва назарияси, ислом фиқҳи ва араб тили бўйича мутахассисларни тайёрлайди.

Июн ойида мадраса республика Адлия вазирлигида “Мир Араб” олий таълим муассасаси мақомида рўйхатдан ўтди.

Ўзбекистон Президенти Шавкат Мирзиёевнинг ташаббуси билан ташкил этилган мадраса Бухоро вилояти Когон туманида жойлашган бўлиб, бу ерда XIV асрнинг иккинчи ярмида сўфийлик тариқати етакчиси бўлган Баҳовуддин Нақшбандийнинг мақбараси мавжуд.

Олий мадраса билан бир қаторда “Мир Араб” исломий ўрта махсус билим юрти ҳам ўз фаолиятини давом эттиради.

“Олий мадраса фаолиятининг бошланиши ислом асосларини чуқур ва ҳартомонлама ўрганиш ва Ўзбекистонда диний бағрикенглик таъминлаш учун муҳим аҳамиятга эга”, - деб таъкидлашди давлат қўмитасида.

Дин ишлари бўйича қўмита маълумотларига кўра, Ўзбекистонда 1 минг атрофида талабалари диний таълим олмоқда. Улар ўрта махсус ўқув юртлари мақомига эга тўққиз мадрасаларда, Тошкент ислом институти, Тошкент ислом университетида ўқитилади.

32 миллиондан ортиқ аҳоли яшовчи Ўзбекистонда 94% кишилар исломга эътиқод қиладилар, республика фуқароларининг 3,5% православ насронийлар, қолганлар бошқа диний конфессиялар вакилларидир.