Мирзиёев 9 май байрамида фахрийларга 2 млн сўмдан бериш ҳақида топшириқ берди
Тошкент. 5 апрел. ЎзТАГ – Ўзбекистон президенти Шавкат Мирзиёевнинг қарорига мувофиқ, 1941-1945 йиллардаги Иккинчи жаҳон уруши қатнашчи ва ногиронлари бир марталик пул мукофоти оладилар, деб хабар беради Ўзбек телеграф агентлиги (ЎзТАГ).
“1941-1945 йиллардаги Иккинчи жаҳон уруши қатнашчи ва ногиронларига 2 млн сўм миқдорида бир марталик пул мукофоти белгиланди. Тўловлар билан боғлиқ харажатлар мамлакат бюджети ҳисобидан қопланади”, - деб таъкидланади хужжатда.
Ушбу қарор 9 май умумхалқ байрами – Хотира ва Қадрлаш куни ўтказилиши, шунингдек, 1941-1945 йиллардаги Иккинчи жаҳон урушида фашизм устидан қозонилган ғалабанинг 72 йиллиги нишонланиши муносабати билан, шунингдек, уруш қатнашчилари ва ногиронларини моддий рағбатлантириш мақсадида қабул қилинди, деб таъкидланади хужжат матнида.