Мирзиёев Абэга Япониядаги кенг кўламли сув тошқинлари муносабати билан ҳамдардлик билдирди

Тошкент. 9 июл. ЎзТАГ – Ўзбекистон президенти Шавкат Мирзиёев Япониянинг марказий ва жануби-ғарбий ҳудудларида рўй берган сув тошқини оқибатида кўплаб инсонлар ҳалок бўлгани ва талафотлар етгани муносабати билан мамлакат бош вазири Синдзо Абэга ҳамдардлик билдирди, деб хабар беради Ўзбек телеграф агентлиги (ЎзТАГ).

Бу ҳақида, кеча, 8 июлда давлат раҳбарининг матбуот хизмати хабар берди.

ОАВ маълумотларига кўра, қаттиқ ёмғир ғарбий Японияда катта сув тошқинлари ва кўчкилар келтириб чиқариши оқибатида қарийб 90 киши ҳалок бўлган ва ўнлаб кишилар бедарак кетганича қолмоқда.

Энг кўп ҳалок бўлганлар Хиросима префектурасида, шунингдек, Эхиме префектурасида қайд этилган. Аҳоли пунктларининг кўплаб ҳудудларини сув босган. Баъзи жойларда уйлар иккинчи қаватгача ва ундан юқоригача сув тагида қолган.

Марказий Япониядан мамлакатнинг жанубий-ғарбий қисмигача 23 префектурада 4,3 млн кишини эвакуация қилиш зарурияти ҳақида сўз бормоқда.

Оғир ёғингарчилик 6 июл куни бошланган ва ҳафта мобайнида давом этган. У “Прапирун” тўъфони таъсир туфайли мамлакатнинг марказий ва жануби-ғарбий қисмида содир бўлган.

Сурат манбаи: https://www.pravda.ru/news/world/20-03-2017/1327954-putin_abe-0/