Мирзиёев Андижондаги тикув корхонаси ва болалар боғчасига ташриф буюрди
Тошкент. 17 май. ЎзТАГ. Ўзбекистон президенти Шавкат Мирзиёев Андижондаги тикув корхонаси ва болалар боғчасига ташриф буюрди, дея хабар беради Ўзбек телеграф агентлиги (ЎзТАГ).
"Андижон шаҳрида аҳоли зичлиги жуда юқори. Давлатимиз раҳбари вилоятга аввалги ташрифларида маиший шароитларни яхшилаш, кўп қаватли уй-жойлар қуриш бўйича топшириқлар берди. Жумладан, шаҳардан узоқ бўлмаган Хидирша массивида 54 гектар майдонда икки сотихлик 220 уй, оилавий поликлиника, болалар боғчаси, маҳалла гузари, маданият маркази, кутубхона, гўзаллик салони, савдо ва маиший хизмат кўрсатиш шохобчалари, тикувчилик корхонаси барпо этилди. Маҳалла "Мустақилликнинг 27 йиллиги" деб номланди”, - дейилади президент матбуот хизмати хабарида.
Президентимиз бу ерда амалга оширилган бунёдкорлик ишлари билан танишди, Дилфуза Ҳожиматова хонадонида бўлди, унинг турмуш шароити, болалар тарбияси билан қизиқди.
"Янги маҳаллада Андижон шаҳридаги "Ферузбек текс" масъулияти чекланган жамиятининг тикувчилик корхонаси ишга туширилди. Бу ерда маҳаллада истиқомат қилаётган 500 нафар хотин-қиз меҳнат қилмоқда", - дейилади хабарда.
Шунингдек, президент корхонада тайёрланаётган кийим-кечак намуналарини кўздан кечирди, ходимлар билан суҳбатлашди.
"Ш.Мирзиёев маҳаллада фаолият юритаётган "Келажак болажонлари"мактабгача таълим муассасасига ҳам ташриф буюрди. 165 нафарга яқин болалар боғчасида рус ва инглиз тиллари, тасвирий санъат, мусиқа ҳамда спорт тўгараклари, каштачилик тўгараклари ташкил этилди. Мини-компютерлар эрта болаликдан ахборот технологияларига қизиқишни шакллантиришга ёрдам беради", - дейилади хабарда.
Қайд этилганидек, келгусида "Мустақилликнинг 27 йиллиги" маҳалласида икки уй ва 7 та кўп хонадонли уй-жой, 615 ўринли мактаб ва 160 ўринли болалар боғчаси барпо этиш режалаштирилган.
Шунингдек, бу ерда Андижон шаҳрининг бош режаси доирасида амалга оширилаётган лойиҳалар, 2019-2020 йилларда 150 та кўп қаватли уй-жой ва "таунхаус" усулидаги коттежлар қуриш бўйича таклифлар ҳақида маълумот берилди.
Президент таъкидлаганидек, уйлар шундай лойиҳалаштирилиши керакки, одамларга қулай бўлиши учун мўлжалланган бўлиши, шунингдек, коммуникация тармоқлари ўтказилиши керак. Уйларни автоном энергия ва сув билан таъминлайдиган инновацион ечимларни кенг қўллаш топширилди.
Таъкидланишича, маҳалла маданият марказида мусиқа асбоблари устаси Абдумалик Мадраимов давлатимиз раҳбарининг ҳар бир хонадонда бўлиши кераклиги ҳақидаги ташаббусидан илҳомланиб, ўзининг фаолияти ҳақида сўзлаб берди.
"Ёшларнинг санъатга бўлган қизиқишини ошириш, спорт билан шуғулланиш, компьютер технологиялари ва интернетдан самарали фойдаланишни ўргатиш, ёшлар ўртасида китобхонликни тарғиб қилиш ва вилоят хотин-қизларини бандлигини таъминлаш бўйича бешта ташаббус асосида кўрсатмалар берилди", - дея якунланади хабар.
Сурат манбаи: president.uz
