Мирзиёев ИИВнинг янги раҳбарини тайинлади
Дата: 17:41, 04-09-2017.
Тошкент. 4 сентябр. ЎзТАГ – Ўзбекистон Президенти Шавкат Мирзиёев ички ишлар вазирлигининг янги раҳбарини тайинлади, деб хабар беради Ўзбек телеграф агентлиги (ЎзТАГ) давлат раҳбарининг тегишли фармонига асосланган ҳолда.
“Ўзбекистон Республикаси Президенти Шавкат Мирзиёевнинг 2017 йил 4 сентябрдаги ПФ-5183 сонли фармонига мувофиқ, Пўлат Раззакович Бобожонов Ўзбекистон Республикаси ички ишлар вазири этиб тайинланди”, - дейилади давлат раҳбарининг сайтида жойлаштирилган хужжатда.
Бундан олдин П.Бобожонов Хоразм вилояти ҳокими эди. Ҳозир ушбу лавозимга Илгизар Собиров тайинланди.
Бобожонов янги лавозимда жорий йил бошидан буён ИИВ раҳбари бўлиб ишлаб келаётган Абдусалом Азизовнинг ўрнига келди.
