Мирзиёев Марказий банк раиси ўринбосарини вазифасидан озод қилди

Тошкент. 2 август. ЎзТАГ – Ўзбекистон президенти Шавкат Мирзиёев Марказий банк раиси ўринбосари Саидкамол Хўжаевни вазифасидан озод қилди, деб хабар беради Ўзбек телеграф агентлиги (ЎзТАГ).

Давлат раҳбарининг бунга доир тегишли қарори кеча, 1 августда имзоланди. Бу қарор “Хўжаев бошқа ишга ўтиши муносабати билан” қабул қилинган. Амалдорнинг янги лавозими ҳақида ҳеч нима дейилмаган.

Саидкамол Хўжаев банк тизимидаги фаолиятини 1997 йилда оддий ходимликдан бошлаган. 2014 йил декабридан бошлаб “Ўзсаноатқурилишбанк” АТБ бошқаруви раиси бўлган. Ўтган йил мартида у Ўзбекистон Марказий банки раисининг биринчи ўринбосарлигига тайинланган, шу йил июнида МБ раисининг ўринбосари этиб тайинланган эди.