Мирзиёев Путинни туғилган куни билан табриклади

Тошкент. 7 октябрь. ЎзТАГ – 7 октябрь куни Ўзбекистон президенти Шавкат Мирзиёев Россия президенти Владимир Путиннинг телефон орқали туғилган куни билан табриклади, деб хабар беради Ўзбек телеграф агентлиги (ЎзТАГ).

"Суҳбат аввалида давлатимиз раҳбари Россия раҳбарини туғилган куни билан самимий табриклаб, соғлик, фаровонлик ва улкан муваффақиятлар тилади. Президентимиз В.Путин раҳнамолигида мамлакатининг барқарор ривожланиши таъминланаётгани, аҳоли фаровонлиги муттасил ўсиб бораётгани, Россиянинг халқаро майдондаги ўрни ва нуфузи мустаҳкамланиб бораётгани қайд этилди", - дейилади Ўзбекистон раҳбари матбуот хизмати хабарида.

Таъкидланганидек, томонлар ўзбек-россия стратегик шериклик ва иттифоқчилик муносабатлари изчил мустаҳкамланиб бораётганини таъкидлади.

Шунингдек, президентлар эришилган келишувлар ва имзоланган битимларни ўз вақтида амалга ошириш, ўзаро савдо ҳажмини ошириш, инвестиция, илмий-техникавий, транспорт-логистика, энергетика, қишлоқ хўжалиги ва бошқа устувор соҳалардаги ҳамкорликни кенгайтириш муҳимлигига эътибор қаратдилар.

Президентлар бундан кейин парламентлараро, минтақалараро ва маданий-гуманитар ҳамкорликни давом эттириш учун сўзлашдилар.

Шунингдек, халқаро ва минтақавий аҳамиятга молик долзарб масалалар юзасидан фикр алмашилди, олий даражадаги тадбирлар жадвали ҳам муҳокама қилинди.

Бундан ташқари, давлат раҳбарлари Ўзбекистон билан Россия ўртасида икки мамлакат ва халқ манфаати учун дўстлик ва кўпқиррали ҳамкорликни янада мустаҳкамлаш тарафдори эканини тасдиқладилар.

Сурат манбаи: president.uz