Мирзиёев Рим Папасини табриклади

Тошкент. 14 март. ЎзТАГ – Мирзиёев Рим Папасини табриклади, деб хабар беради Ўзбек телеграф агентлиги (ЎзТАГ).

“Ўзбекистон Республикаси Президенти Шавкат Мирзиёев 13 март куни Рим-католик черкови раҳбари Францискни Ватикан миллий байрами – унинг Муқаддас тахтга ўтирган куни муносабати билан табриклади”, - дейилади давлат раҳбари матбуот хизматининг хабарида.

Эслатиб ўтамизки, беш йил олдин Апостоль саройининг Сикстин капелласида Рим-католик черкови раҳбари этиб аргентиналик кардинал Хорхе Марио Бергольо сайланган эди. У папалик тарихида илк марта Франциск номини олди. У Авлиё Пётрнинг лавозимини олдинги раҳбар вафотидан кейин эмас, балки бундан олдинги Папа – Бенедикт XVI (ҳаётда Йозеф Ратцингер) ўз лавозимидан вос кечганидан сўнг олган эди.

Франциск иезуитлар ордени аъзоси бўлган, шунингдек, Янги Дунёга мансуб биринчи понтифик ва Папа бўлди.

Сурат манбаи: https://uznayvse.ru/znamenitosti/biografiya-papa-rimskiy-francisk.html