Мирзиёев Трампга ҳамдардлик билдирди

Тошкент. 20 декабр. ЎзТАГ – Ўзбекистон Президенти Шавкат Мирзиёев АҚШ Президенти Дональд Трампга ҳамдардлик билдирди, деб хабар беради Ўзбек телеграф агентлиги (ЎзТАГ).

“Ўзбекистон Республикаси Президенти Шавкат Мирзиёев Америка Қўшма Штатлари Президенти Дональд Трампга инсонлар ҳалок бўлишига олиб келган Вашингтон штатидаги йўловчи поезди аварияси муносабати билан ҳамдардлик мактубини йўллади”, - дейилади давлат раҳбари матбуот хизмати хабарида.

Хабарда таъкидланишича, жароҳат олганларнинг оила аъзолари ва яқинларига ҳамда ҳамдардлик ва далда сўзларини изҳор қилди.

Вашингтон полицияси маълумотларига кўра, илк марта янги машрут бўйича йўлга чиққан тезюрар поезд Сиэтлдан Портлендга йўл олган бўлиб, Пирс округида йўлдан чиқиб кетган. Фожеа йўл ўтказгичда юз берган, бир неча вагонлар йўл остидан ўтувчи шоссега тушиб кетган. Натижада камида 6 нафаргача киши ҳаётдан кўз юмган, 78 киши жароҳатланиб, касалхонага ётқазилган.

Вашингтон штати губернатори фавқулодда ҳолат эълон қилган.

Сурат манбаи: http://nv.ua/world/countries/katastrofa-poezda-v-ssha-skorost-pochti-v-tri-raza-prevyshala-razreshennuju-2399086.html