Мирзиёев волонтёрлик фаолиятини қонунийлаштирди

Тошкент. 3 декабрь. ЎзТАГ – Ўзбекистон президенти Шавкат Мирзиёев волонтёрлик фаолиятини қонунийлаштирди, дея хабар беради Ўзбек телеграф агентлиги (ЎзТАГ).

"Қонунга мувофиқ ("Волонтёрлик фаолияти тўғрисида" – ЎзТАГ), волонтёрлик фаолияти – жисмоний ва (ёки) юридик шахслар манфаатлари йўлида бепул амалга ошириладиган, жамоа учун фойдали бўлган ихтиёрий ижтимоий йўналишдаги фаолият ҳисобланади", - дейилади Адлия вазирлиги матбуот хизмати хабарида.

Таъкидланганидек, волонтёрлик фаолияти индивидуал волонтёрлик фаолияти, волонтёрлар гуруҳи таркибида волонтёрлик фаолият, волонтёрлик ташкилот орқали волонтёрлик фаолият шаклида амалга оширилиши мумкин.

"Кам таъминланган фуқароларни, ишсизларни, кўп болалилар ва бошқа шу каби шахсларни қўллаб-қувватлаш учун ёрдам бериш волонтёрлик фаолиятни амалга оширишнинг йўналишларидан биридир", - дейилади хабарда.

Волонтёрлик фаолияти 18 йилга етган жисмоний шахслар томонидан амалга оширилиши мумкин. Волонтёрлик волонтёр ва волонтёрлик фаолият ташкилотчиси ўртасида ёзма равишда тузилган шартнома асосида амалга оширилиши мумкин.

"Волонтёрлик фаолиятини ташкилотчиси, агар у ойига 20 соатдан ортиқ волонтёрлик фаолияти билан машғул бўлса, волонтёр волонтёрлик шартномасини тузиши шарт. Волонтёрлик фаолияти ташкилотчиси волонтёрга махсус кийим-бош беради ва волонтёрлик акцияси ўтказилаётган жойга келиб-кетиш учун йўл ҳақи, турар жой, озиқ-овқат, зарур шахсий ҳимоя воситаларини, асбобларни ва бошқа харажатларини қоплайди", – дейилади хабарда.

Қонун расмий эълон қилинган кундан бошлаб кучга киради.

Сурат манбаи: visa-exp.com