Мирзиёев Япония бош вазирига ҳамдардлик билдирди
Тошкент. 10 июл. ЎзТАГ – Ўзбекистон президенти Шавкат Мирзиёев Япония бош вазири Синдзо Абэга ҳамдардлик билдирди, деб хабар беради Ўзбек телеграф агентлиги (ЎзТАГ).
“Фукуока ва Оита префектураларида рўй берган табиий офат оқибатида кўплаб инсонлар ҳалок бўлгани ва вайронгарчиликлар келиб чиққани ҳақидаги хабар мени чуқур қайғуга солди. Менинг чуқур таъзиямни қабул қилишингизни, ҳалок бўлганларнинг оила аъзолари ва яқинларига ҳамдардлигимни етказишингизни сўрайман, барча жабрланганлар тезроқ соғайиб кетишини тилайман”, - деб таъкидлади Мирзиёев ўз мактубида.
Эслатиб ўтамизки, Япония жанубий шарқида юз берган кенг кўламли сув тошқинлари 18 кишининг ҳаётига зомин бўлди. Яна 27 киши бедарак кетган. Кўпчилик Фукуока ва Оита префектураларида ҳалок бўлган. Бу ердаги тоғли туманларда бир неча дарёлар ўзанларидан чиқиб кетган, натижада кучли сел оқими ўнлаб уйларни ер билан битта қилди, йўлларни бузиб, электр узатиш линияларини ишдан чиқарди. Баъзи поселкалар ҳамон сув тагида қолмоқда. Ҳудудда транспорт алоқаси ҳам издан чиққан.
