Мирзиёевнинг Минскдаги биринчи куни қандай ўтди

Тошкент. 1 август. ЎзТАГ – 31 июлда Ўзбекистон президенти Шавкат Мирзиёев Беларус президенти Александр Лукашенконинг таклифига биноан расмий ташриф билан Минскга келди, дея хабар беради Ўзбек телеграф агентлиги (ЎзТАГ).

"Минск" миллий аэропортида давлат раҳбарини Беларус Бош вазири Сергей Румас, мамлакат ташқи ишлар вазири Владимир Макей ва бошқа расмийлар кутиб олишди", - дейилади президент матбуот хизмати хабарида.

Таъкидланишича, Минскга етиб боргач, Ш.Мирзиёев, анъанага кўра, Беларус пойтахтидаги Ғалаба ёдгорлигига гулчамбар қўйди.

Шунингдек, ҳарбий оркестр ижросида икки мамлакатнинг давлат мадҳиялари янгради. Фахрий қоровул аскарларининг тантанали юриши бўлиб ўтди.

Беларус президентининг матбуот хизмати маълумотларига кўра, 31 июлда А.Лукашенко ва Ш.Мирзиёевнинг норасмий учрашуви бўлиб ўтди. Улар "Заславль" давлат резиденциясига ташриф буюришди.

"Давлат раҳбарлари қароргоҳ ҳудуди бўйлаб сайр қилиб, кейин совғалар алмашдилар. А.Лукашенко ўзининг ўзбек ҳамкасбига "Беларус" панноси ва беларус каштасини тақдим этди, унинг кичик ўғли Николай эса Ўзбекистон президенти зубр ҳайкалчасини топширди. Шавкат Мирзиёев ўз навбатида Лукашенкога хоккейчи ҳайкалчасини тақдим этди", - дейилади хабарда.

Бундан ташқари, президентлар норасмий шароитда мулоқот қилдилар. Учрашув жойи этиб Шавкат Мирзиёев ўтган йили Лукашенконинг Ўзбекистонга қилган ташрифида тақдим этган нақшинкор шийпонча танланди.

Сурат манбаи: president.uz и president.gov.by