МХХ олий ўқув юртлари ва коллежларга киришда фирибгарликда гумон қилинган бир гуруҳ шахсларни қўлга олди
Тошкент. 15 сентябр. ЎзТАГ – Миллий хавфсизлик хизмати (МХХ) Бошқармаси тезкор ходимлари Бухоро давлат тиббиёт институти (БДТИ) ва вилоятнинг қатор тиббиёт коллежларига кириш тест имтиҳонларида фирибгарлик билан шуғулланган шахслар гуруҳини аниқлади, деб хабар беради Ўзбек телеграф агентлиги (ЎзТАГ).
Куч тизими маълумотларига кўра, гуруҳ аъзолари Бухоро вилояти таълим муассасаларига киришда олий ўқув юртлари ва касб-ҳунар коллежларида мансабдор шахслар орқали белгиланган қоидалар четлаб ўтган ҳолда ёрдам беришга ваъда беришган.
“Фуқаролар гуруҳ аъзоларидан бири бўлган ва муқаддам икки марта дарсларни сабабсиз қолдиргани сабабли БДТИдан ҳайдалган Бухоро туманида яшовчи 26 ёшли Мирҳон Файзиевга қўшимча квота бўйича университетга киритишда ёрдам сўраб мурожаат этишган. Файзиев бунинг эвазига улардан $13 минг талаб қилган”, - дейилаиди МХХ хабарида.
Ўтказилган махсус операция натижасида Мирҳон Файзиев $10 мингни олишда, шунингдек, БДТИ собиқ ўқитувчиси Жонибек Кенжаев, Бухоро муҳандислик технология институти ўқитувчи Бахтиёр Ҳамроев ва Ғиждувон туман истиқомат қилувчи ишсиз Зафар Латиповлар қўлга олиндилар. Улар терговолди чора-тадбирлари давомида ўзларининг айбларини тўлиқ тан олдилар.
Бундан ташқари, Файзиев Бухорода яшовчи аёлнинг ишончини қозониб, ундан БДТИ киритишда ёрдам учун $11 минг олган. Бу пуллар қуйидагича тақсимланган: Зафар Латипов, Миразиз Ҳакимов (Файзиевнинг шериги) ва Файзиевенинг ўзи $1 мингдан олишган, қолган $8 мингни Жонибек Кенжаев олган.
Оператив ходимлар Б.Ҳамроев З.Латипов билан тил бириктирган ҳолда фуқаро Н.С.дан унинг ўғлини БДТИга киритиш эвазига $6 минг олганини ҳам аниқлашди. Кейинчалик бу пул Ж.Кенжаевга топширилган.
Бош прокуратура ҳузуридаги Департамент ушбу фактлар бўйича Жиноят кодексининг 168 (Фирибгарлик) ва 211 (Пора) моддалари бўйича жиноий иш очди. Ҳозирда тергов қўлга олинганларнинг Бухоро вилояти олий ўқув юртлари ва коллежларидаги мансабдор шахсларнинг эҳтимолий алоқаларини аниқламоқда.
